2007 ஜுன் மாத இதழி்ல்… மே 31, 2007
Posted by pctimes in இதழ்கள்.add a comment
2007 ஜுன் மாத இதழ்
மலர் 02 :: இதழ் 04
தொடரறா மென்பொருள்கள்
Web 2.0 எனும் இணைய எண்ணக்கருவால் தோன்றியுள்ள புதிய சாத்தியப்பாடுகள்
இணையப்பரப்பில் சாதாரணமாக கணினியில் நிறுவிப்பயன்படுத்த வேண்டிய மென்பொருள்கள் வலம் வரத் தொடங்கியுள்ளன. இவை யாவும் பயனர்களின் தேவைகளை மிக இலகுவில் வழங்குவதை முழு நோக்காகக் கொண்டுள்ளன. இணையப்பரப்பில் காணப்படும் இவ்வகை மென்பொருள்களாக….
இணைய அரட்டைக்கு இலகு வழி
yahoo நிறுவனம் இணைய அரட்டை நிலையை இலகுவாக்கியுள்ளது
இணையத்தின் ஒஸ்கார் விருதுகள்
Webby Awards எனும் சிறந்த இணையத்தளங்களுக்கான விருதுகள் அறிவிக்கப்பட்டுள்ளன.
கோப்புகளை Zip செய்து பரிமாறல்
பெரியளவுகளில் உள்ள கோப்புகளை செறிப்பு செய்தல்
Spider-Man 3
திகிலூட்டும் சாகச கணினி விளையாட்டு – கடந்த மாதம் திரைக்கு வந்து உலகளவில் அதிகமான இரசிகர்களைக் கவர்ந்த சாகச திரைப்படம் கணினி விளையாட்டாகி உள்ளது. அது பற்றிய முக்கிய விடயங்கள் பல…
BIOS ஐ மேம்படுத்தல்
கணினியின் வினைத்திறனை அதிகரிக்க செய்ய வேண்டிய மிகச் சிறந்த முன்னெடுப்புகள் பட்டியற்படுத்தப்படுகின்றன.
கார்ட்டூன் தொடர்ச் சித்திரங்களை நாமே உருவாக்கலாம்.
மிகவும் இலகுவாக எவரும் கார்ட்ரடூன் திரைக்கதைகளை உருவாக்கி அதற்கு ஒலி வடிவங்களையும் இணைக்கும் வழி உருவாகியுள்ளது.
என இன்னும் பல தகவல் தொழில்நுட்ப மாற்றங்கள் தொடர்பான கட்டுரைகள், குறிப்புகள், இணைய முகவரிகள் என பலதும் அடங்கியுள்ள நிலையில் இம்மாத இதழ் வெளியாகியுள்ளது. நீங்களும் சந்தாதாராக…
அசைவூட்டங்களுடன் கூகிள் இணையத்தளம் மே 30, 2007
Posted by pctimes in இணையம், செய்தி.4 comments
கூகிள் இணையத்தளம் என்பது மிகவும் எளிமையான முறையிலேயே வழமையாக வடிவமைக்கப்படும். ஆனால், கொரியா நாட்டின் கூகிள் தளமானது, அசைவூட்டங்களைக் (Animation) கொண்ட நிலையில் வடிவமைக்கப்பட்டுள்ளது. கூகிளின் வழமையான எளிய முறையில் காணப்படும் இணையத்தளத்திற்கு மாற்றமாக அழகிய அசைவூட்டங்கள் கொண்டு கொரியா நாட்டிற்கான இணையத்தளம் உருவாக்கப்பட்டுள்ளது.
கூகிளின் பல்வேறு வகையான சேவைகளுக்கு இணைப்புகளை கொண்ட வகையிலுள்ள இந்தத்தளத்தில், சேவைகளைக் குறித்து நிற்கும் பெயர்களுக்கு மேலே, பல வர்ணங்களாலான புள்ளிகள் காணப்படுகின்றன.
இப்புள்ளிகளுக்கு மேலே, மவுஸ் பொயின்டரை (Mouse Pointer) கொண்டு செல்கையில் அசைவூட்டங்கள் இயங்க ஆரம்பிக்கும். அண்மையில் பயனர்கள் தமக்கு விரும்பியது போல், கூகிள் பக்கங்களை அமைத்துக் கொள்ள கூகிள், iGoogle எனும் பண்புக்கூறை அதன் முதற்பக்கத்தில் தூண்டலாக்கியதும் (Activate) இங்கு குறிப்பிடத்தக்கதாகும்.
கொரியா நாட்டின் கூகிள் தளத்திற்கு சென்றுதான் பாருங்களேன்.
20MB அளவுள்ள கோப்புகளை இணைப்பிகளாக அனுப்பலாம் மே 25, 2007
Posted by pctimes in இணையம், செய்தி.1 comment so far
கூகிள் நிறுவனத்தின் இலவச இணைய அடிப்படையான இலவச மின்னஞ்சல் சேவையான ஜமெயில் சேவையானது, அதன் பயனர்கள் மின்னஞ்சல் மூலம் இணைப்பிகளாக (Attachments) அனுப்பும் கோப்புகளின் அளவை இரட்டிப்பாக்கி உள்ளது.
ஏற்கனவே இச்சேவை மூலம் பத்து மெகா பைட்ஸ் அளவான கோப்புகளையே அனுப்ப முடியுமாயிருந்தது. ஆனால், இப்போது Gmail பயன்படுத்துபவர்கள் இருபது மெகா பைட்ஸ் கோப்புகளையும் மின்னஞ்சல் மூலம் அனுப்பக்கூடிய நிலையை கூகிள் நிறுவனம் சாத்தியமாக்கியுள்ளது.
கூகிள் நிறுவனத்தின் மூலம் பல புதிய சேவைகள் நாளுக்கு நாள் அறிமுகப்படுத்தப்பட்டு கொண்டிருக்கும் அதேவேளை, அதன் சேவைகள் புதிய முன்னேற்றங்கள், பண்புக்கூறுகள் என்பனவும் தொடர்ச்சியாக அதன் சேவைகளுக்கு சேர்க்கப்பட்டுக் கொண்டிருக்கின்றன.
இணையத்தை ஆளப்போவதென்னவோ, கூகிள் என்பது மட்டும் உறுதியோ!?
::: TAMIL PC TIMES BLOG ::: 